علىُ بآليُ تنآدينيُ .. إْنـآإْ إْسفُ مآ سمعتكْ زٍينْ

على بالي تناديني .. انا آسف ما سمعتك زين
ولاني أول العالم .. يخيب ظنه وأحساسه ..

احسب انك تبيني .. وقلت من هـ/العين قبل هـ/العين
وجيتك تايه الخطوه.. وصدري يشهق انفاسه ..

انا والله مدري .. وين انا رايح وجاي منين
غرابيل الزمن فيني تعدت حد مقياسه ..

توهمت بخيال الفكر.. هايم بين زين و شين
سحابة هم إحتاست مع النسمه ونسناسه ..

على هونك ترفق بي.. غريب وحاير الكفين
عجول اتبع صدى صوت بسمعي دقت اجراسه ..

ترى ماني من اللي .. يعشق اللعبه على الحبلين
و قلبي نيته اصفا من الما لورد كاسه ..

صحيح أخطيت .. واعذرني خطاي بسبة الأثنين
رداة الحظ .. وهموم تعاندني بوسواسه ..

ولاني من الخطا معصوم.. تدري والبشر من طين
ونفسه تامر بـ/غفله .. ولاهو قاوي باسه ..

على كل حال سامحني .. انا ميت من الصوبين
خفوقي عايفن نفسه .. وعيني فارقت ناسه ..

تخطيت الدروب اللي .. تباري رحلة الماشين
سراب الشوق ياخذني لزلاتي وهوجاسه ..

على بالي تناديني .. وكني سامعك هالحين
ولاقصدي خطأ .. وادري عيون الناس عساسه ..

سهيت من الهموم اللي بـ/قلبي.. ورحت مدري وين
على حظ الزمان اللي قلب وضعي على راسه ..

مما راق لي واتمنى ان يروق لكم ...

كل الود

ذوق

تسلمين علي الشعر الحلو يعطيك ألف العافيه

زائر

يعطيك الف عافيه

كلماااااااااااااااااات روعه
راقة لي كثير
صح لسان قايله وناقلها
لك التحايا